Ndonëse e re në moshë, ajo është bërë nënë me dy fëmijë dhe për të familja zë pjesën më të rëndësishme të jetës. Këngëtarja Orgesa Zaimi e cila rreth dy muaj më parë solli në jetë djalin e saj Kron, pas vajzës Bora, jep një mesazh me vlerë për gjithë femrat e bërë nëna.

Ajo poston në Instagram një fotografi, ku thotë se pas më pak se dy muaj mundi të vishte sërish fustanin që mbante kur ishte e dobët.

Ajo shton më tej se, “Kjo s’do të thotë se është ndonjë gjë e mrekullueshme, sot ka shumë presion mediatik apo edhe shoqëror për femrat menjëherë pasi lindin qofshin persona publik ose jo. Ç’është kjo mani kaq e madhe dhe gati gati shantazhuese që menjëherë pasi lind duhet të jesh më e dobët se më parë. Mund t’ju them me bindje se këtë herë të dytë pas lindjes nuk kam ndërmend të strapacohem edhe pse këtë herë kam rënë vetë në mënyrë natyrale në peshë, mbase sepse të kesh dy fëmijë të vegjël të bën të harxhosh shumë energji. Dua t’u them të gjitha femrave që mërziten nëse nuk dobësohen pas lindjes ose kanë merak; Hani çfarë të doni dhe shijojeni këtë periudhë sepse nga pesha bie për një muaj, por qumësht nuk prodhon dot gjithë jetën...Ne sjellim jetë, kemi nevojë për më shumë kile. Fuqia e gruas”./a.y/noa.al