Vazhdimisht qaj, shqetësohem nëse kjo është në rregull?

Nuk është në rregull të qani tërë kohën. Është normale që të ndërroni disponimin dhe këtë nuk mund ta spjegoni, por nëse nuk mundeni që të ballafaqoheni me problemin, lajmërohuni tek mjeku.

Para shtatzënisë kam pirë ilaçe, a është kjo e rrezikshme?

Mvaret se çfarë lloj ilaçesh keni pirë. Në princip, në fillim të shtatzënisë nuk do të duhej të ishte problem, sepse zakonisht gratë dyshojnë nëse janë shtatzëna me mungesën e pare të menstruacioneve prandaj kujdesen se çfarë po pinë. Por megjithatë, tregoni mjekut gjithsesi.

Nuk kam pirë acid folik gjatë shtatëzanisë, është shumë vonë për të filluar në javën e tetë?

Ideale do të ishte që të konsumoni acid folik gjatë tre muajve para shtatzënisë, sepse në atë mënyrë do të egzistojë një nivel i saj adekuat i cili mbron foshnjen, por nëse jo, mos u nevrikosni, filloni ta merrni menjëherë.

Unë nuk e kam bërë amniocentezën, kurse të gjitha shoqet e mia po, a kam gabuar?

Bërja e amniocentezës, është vendim të cilin e merrni ju, partneri dhe mjeku juaj, të gjithë së bashku. Prandaj, kjo është individuale, dhe mvaret nga mosha juaj, rezultatet e skriningut – kontrollës së gjakut dhe pjesës pas qafës së bebes, por edhe nga normat e juaja morale, religjioze, etike…Mos lejoni askënd që të vendos për ju – e rëndësishme është që të keni mjaft informacione dhe më pas ta merrni vendimin e ashtuquajtur “të informuar”.

Në fillim të shtatzënisë isha me grip, a është kjo e rrezikshme?

Mos u brengosni, sepse në fillim të shtatzënisë, gjithçka duket bardhë e zi, - ose duhet të jetë mirë, ose keq. Nëse keni qenë tek mjeku, nëse në ultrazë keni parë foshnjen në mitër, rrahjet e zemrës, madhësinë adekuate me moshën e shtatzënisë, nuk keni arsye për brengosje. Por, megjithatë mos harroni ti tregoni për ftohjen, gjinekologut tuaj.

Ndërsa nuk e dija se isha shtatzënë piva dy gota të verës, a duhet të shqetësohem për këtë?

Mos u brengosni, nuk do ti bëjë dëm bebes. Por, jeni të vetëdijshëm që jeni shtatzëne dhe mos konsumoni alkohol shumë dhe shpesh. Edhe pse një gotë verë në javë nuk do ti bëjë dëm bebes…

Unë kam neveri të tmerrshme, është kjo normale?

Po, ju nuk mund të mendoni për ushqim, le edhe të hani! Të përzierat mund të zgjasin deri në javën e 16, dhe nganjëherë, edhe pse më pak e theksuar, madje edhe deri në fund të shtatzënisë. Për këshilla se si ti luftoni të përzierat lexoni tek bebaime.com

Unë jam e shqetësuar, sepse unë nuk kam asnjë të përzier përderisa të gjitha shoqet e mia kanë pasur!

Nëse shtatzënia është e sigurtë, zemra e foshnjës rreh dhe nuk ka asnjë problem qe nga përcaktimi i shtatzënisë, mos u bëni merak, ju jeni një nga ato gratë shtatzëna që janë bekuar nga mungesa e dhimbjeve në shtatzëni!

Unë merakosem sepse në tremujorin e parë, kam temperaturë trupore që është gjithmonë rreth 37,2 C?

Nëse ju nuk keni ndonjë problem në aspektin e infeksionit,nuk keni kollë, nuk keni teshtimë, rritje të temperaturës, atëherë ajo është një "temperaturë e shtatzënisë", e cila është rezultat i efekteve hormonale të shtatzënisë.

Herë pas here unë kam një dhimbje të lehtë në fund të barkut, por unë jam vetëm në fillim të shtatzënisë – a duhet të brengosem?

Nëse nuk keni gjakderdhje, në qoftë se dhimbja nuk është e fortë dhe është më e lehtë kur qëndroni shtrirë në shtrat, ka të ngjarë të jetë rasti që mitra rritet dhe ngadalë shtrirjen ligamentet, dhe ndjeni dhimbje e lehtë. Mos u shqetësoni, por nëse keni rritje të simptomeve, atëherë, tregoni mjekut tuaj.

Unë fle gjatë pjesës më të madhe të ditës, dhe madje nëse e kam mjaft. A do të fle gjatë tërë shtatzënisë?

Fjetja është normale, sidomos në tremujorin e parë. Dëgjoni trupin tuaj dhe ndjekni ritmin që ju imponohet - nëse ju flihet, flini, në qoftë se jo, mos e bëni.

A është normale që vazhdimisht shqetësohem për çdo gjë nëse do të jetë mirë dhe që për shkak të kësaj nganjëherë unë nuk mund të fle?

Po, shumica e grave shtatzëna, kalojnë nëpër këtë periudhë - në tremujorin e parë, pastaj në të tretin, dhe para lindjes.

Unë nuk mund të qëndrojë në ndonjë erë apo të mirë apo të keqe, edhe ato që kam dashur dikur, dhe për gatim as mos të flasim?

Normalisht ju shqetësojë disa aroma, disa më shumë, disa më pak, dhe kjo është shumë e zakonshme, sidomos në fillim të shtatzënisë. Provoni vendet në të cilat keni ajrosje të përhershme dhe shmangni vendet ku ka aroma të forta - dyqanet e parfumerive, restorantet, sallonet e flokëve ...

Nuk kam apetit dhe kjo më brengos!

Sidomos në fillim të shtatzënisë, kur ju shqetësojnë aromat.

Ha konstant dhe prapseprap tërë kohën jam e uritur!

Oreksi zakonisht përforcohet shumë dhe kjo është normale, por lëshoni ndonjë dëshirë për të ngrënë diçka. Hani shëndetshëm, dhe në qoftë se ju jeni vazhdimisht të uritur, hani gjëra të tilla si karrota të papërpunuara, speca, etj.

Që kur jam shtatzënë, po humb peshë, a është kjo në rregull?

Nuk është e pazakontë që në fillim të shtatzënisë, humbni në peshë për shkak të përzierave dhe të vjellave. Nëse edhe pas tremujorit të parë nuk keni fituar në peshë, atëherë kontaktoni mjekun tuaj.

Edhe pse mundohem që të fle anash, zgjohem shpesh në stomak. I pengon kjo gjë bebit?

Nëse nuk ju pengon juve, kjo do të thotë që nuk e pengon as fëmijën, por gjithashtu do të thotë se ju jeni në fillim të shtatzënisë dhe se barku juaj nuk është i madh. Kur të fillojë të rritet, me siguri ju nuk do të fle në të.

Nga gjoksi më rrjedh një lëng që duket si qumësht, a është kjo normale?

Po, kjo është normale, dhe ndodh shpesh, sidomos në gjysmën e dytë të shtatzënisë. Asgjë nuk pengon dhe nuk do të thotë asgjë.

E kam kaluar javën e 20 të shtatzënisë, dhe ende nuk e ndjej foshnjen tërë kohën?

Tani ju nuk e ndjeni, sepse është ende e vogël. Ju nuk mund ta ndjeni gjithmonë edhe më vonë, dhe ajo ka periudhat e pasivitetit dhe periudhat e nisjes, si të gjithë ne. Është e rëndësishme për ti përcjellur periudhat e saj, dhe se në qoftë se nuk e ndjeni për një kohë të gjatë, shkoni te mjeku për të siguruar se është mirë.

Në ultrazë, më thanë se foshnja është e kthyer me legen, dhe unë jam 30 javëshe shtatzënë. A do të kthehet gjer në lindje?

Është ende herët që të kuptoni nëse foshnja është kthyer për lindje. Mos u shqetësoni, në fund të fundit, rreth javës së 36-37, mjeku juaj do t'ju tregojë se si fëmija është kthyer, dhe deri atëherë do të kthehet shumë herë.

Në gjoks me duken enët e gjakut? A është kjo e rrezikshme?

Jo, kjo është normale, dhe është e mundur që do të jenë edhe më të dukshme kur ju jepni gji. Dhe kjo nuk është jonormale ose në qoftë se ato duken më shumë, kjo gjë është individuale dhe varet nga teni, madhësia e gjirit, ngjyra lëkurës...

Mjeku im çdo muaj më bën një ultratingull, a do të thotë se diçka nuk është në rregull?

Nuk do të thotë se diçka nuk është në rregull. Mënyra e mbarëvajtjes së shtatzënisë tek mjekët është individuale, dhe çdo grua shtatzënë i afrohet individualisht. Nëse mjeku juaj nuk ka thënë asgjë, atëherë ai nuk dyshon.

Më janë lajmëruar striat, edhe pse masazhohem ditë e natë?

Fatkeqsisht, nëse jeni të ekspozuara ndaj striave – gjë që mund ta dini nëse deri tani u janë lajmëruar – kur jeni dobësuar apo trashur, kur jeni rritur, kur u janë zhvilluar gjinjtë – do t`ju lajmërohen edhe tani. Nuk mund të bëni asgjë në lidhje me këtë, vetëm vazhdoni me masazhimin, lëkura do të jetë më e bukur, ndërsa striat më pak të dukshme.

Më janë ënjtur duart dhe këmbët, çfarë të bëj?

Pak ënjtje është normale, por nëse jeni fryrë shpejtë, kontaktoni mjekun tuaj, sidomos nëse është rritur dhe presioni. Nëse ënjtja është e vogël, hiqni unazat nga duart, pushoni shpesh, ngritni këmbët tuaja lartë kur shtriheni dhe shmangni qëndrimin në këmbë ose ulur për një kohë të gjatë. Mos hani ushqime të kripura dhe me mëlmesa.

Jam shtatzënë 35 javëshe dhe më lajmërohen kontraktimet, a është kjo në rregull?

Po, nëse ato janë të rralla, të parregullta dhe ndalojnë shpejt - atëherë bëhet fjalë për kontraktimet përgatitore. Nëse rriten dhe ndodhin në intervale të rregullta, kontaktoni me mjekun tuaj menjëherë.

A është normale që ndjej neveri dhe të fikët kur qëndroj shtrirë në shpinë

Po, kjo është normale, sepse mitra është e rëndë me foshnjen, lëngun amniotik dhe placenta bën presion në enët e gjakut prandaj dhe nuk ka rrjedhje të mjaftueshme të gjakut në zemër dhe kokë.

A është normale që urinoj shumë herë gjatë ditës?

Po, nëse nuk shoqërohet me djegie dhe dhimbje.

Shumë lehtë mbushem frymë, a është kjo normale?

Po, kjo është normale, veçanërisht nëse ju jeni në fund të shtatzënisë dhe stomaku juaj tashmë është shumë i madh.

Tërë kohën kam dhembje në shpinë, përse?

Për fat të keq, kjo është normale për shkak të madhësisë dhe peshës e mitrës. Është e mundur që kjo kontribuon në gjendjen e keqe, barkun e dalë, ku shtylla kurrizore vuan. I kushtoni vëmendje se si qëndroni, dhe bëni masazh.

Javët e fundit më del gjak nga mishrat e dhëmbëve, çfarë të bëj?

Mos u mërzitni, kjo është plotësisht normale gjatë shtatzanisë. Vetëm vazhdoni normalisht ti pastroni dhëmbët dhe gjithsesi përdorni perin e dhëmbëve për pastrim dhe vizitoni stomatologun së paku dy herë gjatë shtatzënisë.

Kur shtrihem në shpinë, kam shije të idhët në gojë, përse?

Në fund të shtatzënisë është normale që të keni urth, provoni të hani më pak para fjetjes dhe mos qëndroni shtrirë në shpinë.

Kam frikë së nuk e kuptoj kur më plasin ujërat?

Edhe këtë do ta kuptoni me siguri – zakonisht gratë frikësohen se nuk do ta dallojnë plasjen e ujërave nga rrjedhja e urinimit, por ujërat rrjedhin më gjatë, më me shumë ngulm, dhe nuk kanë aromë, përderisa urinimi ka aromë karakteristike.

Nga frika e lindjes nuk mund të fle!

Është krejtësisht normale që të jeni të frikësuara, sidomos natën, kur frika bëhet shumë e fortë! Ju jeni të frikësuara nga e panjohura, por e gjitha do të kalojë mirë. Sa i përket të panjohurës, ju mund të ndiqni shkollën për shtatzëna në maternitet (kjo nuk është e mundur në Kosovë), ku aty do të njoftoheni me "rrugën" që ju do të shkoni, në mënyrë që të mos jetë e gjitha e panjohur kur të shkoni në lindje.