Përshëndetje Esi,

Kur një dhëmbë, panvarësisht se kush prej tyre është i infektuar, duhet që dy ose tre ditë përpara heqies të përdoret antibiotik. Më pas rivlerësohet gjendja e infeksionit dhe nëse gjykohet e arsyeshme, proçedohet me heqien e tij. Gjatë heqieve të vështira apo dhe kur dhëmbi është shumë i dëmtuar, ndodh që rrënja të thyet. Kur vendi ku është thyer rrënja nuk pastrohet ashtu siç duhet, atëherë me kalimin e kohës pjesët e mbetura dalin vetvetiu. Deri në daljen e tyre ka dhe dhimbje siç dhe ti e ke përjetuar. Por në momentet kur dhimbja të vazhdonte do të ishte mirë të shikohej nëpërmjet grafisë se çfarë nuk shkonte me problemin tënd, në mënyrë që të ndërmerreshin hapat e nevojshëm për qetësimin e situatës. Do të këshilloja që tani të kryesh një grafi dhe të drejtohesh dhe për një konsultim tek mjeku stomatolog.

Gjithë të mirat.